ANG SOBRA AY MAPANG-AKIT

Ang lahat ng tao ay nakakaranas ng sari-sariling adiksyon. May adiksyon na nakakasama at nakakasira ng buhay tulad ng bawal na gamot, pag-iinom ng alak at sugal at may adiksyon naman na natural lang sa atin o panglibang katulad ng pagsubaybay sa isang soap opera, paglalaro atbp.
Sa aking artikulong ito ay magfofocus ako sa mga adiksyong na natural lang sa atin. Masasabi natin na ang adiksyong ito ay positibo naman at hindi nakakabahala NGUNIT ang bagay na sobra ay nagpapahamak din sa atin na maaring magpalayo ng damdamin natin sa Diyos.
Halimbawa na lang sa panonood natin ng TV, ang kasobrahan nito ay pwedeng magdulot ng paglimot natin sa pagdarasal, inaagaw nito ang oras natin sa Diyos.
Hindi rin naman ako nalalayo sa mga ganitong sitwasyon. Ako rin ay may sari-sariling adiksyon sa mga bagay-bagay. Sa mga ganitong sitwasyon ay ito ang mga puntos na aking maipapayo:

• Laging maglaan ng oras o schedule para magdevotion, magnilaynilay at magdasal sa Diyos.
• Bantayan ang mga ginagawa. Isipin natin kung ang ating ginagawa ay nakakabuti ba o nakakasama sa tin. Kung tayo ay may mga alinlangan, maaring humingi ng payo sa mga taong may kasanayang pangespiritwal.
• Gamitin ang pinagkakalibangan sa paggoglorify sa Diyos. Halimbawa na lang sa pag-iinternet, maaring gamitin ang blogging, forum o chat sa pagbabahagi ng salita ng Diyos. Maaaring gamitin ang isang inspring na drama sa TV sa inyong bible sharing.
• Iprioritize ang Diyos sa lahat ng bagay na ating gagawin. Laging tandaan na ang Diyos ang may lalang ng lahat ng bagay sa mundo. Binigyan ng Diyos ng karunungan ang mga Programmer para ma-enjoy natin ang pag-iinternet.
  

Bago natin i-enjoy ang mga bagay napinagkalilibangan natin ay magpasalamat muna tayo sa Diyos na may lalang nito. At laging tandaan na ang lahat ng sobra ay may masamang epekto kaya laging magkaroon ng panahon sa Diyos.